Սուր կտրող-ծակող գործիքով հասցված վնասվածքով քաղաքացի է ընդունվել «Գյումրի» ԲԿ

Մարտի 9-ին`  ժամը  03:15-ին «Գյումրի» բժշկական կենտրոն է տեղափոխվել, Գյումրի քաղաքի Խրիմյան Հայրիկ 31 շենքի 11 բնակարանի բնակիչ` 1992 թվականին ծնված Լեւոն Վահրամի Ժամակոչյանը: Վերջինս, ըստ օրթոպեդ-վնասվածքաբան` Ջոն Կարապետյանի,  բժշկական կենտրոն է ընդունվել` աջ ազդրի վերին երրորդ առաջամիջյան մակերեսի, աջ ակնակապիճի առջեւից ճակատի շրջանի եւ ձախ վերին շրթունքի շրջանի փափուկ հյուսվածքի, սուր կտրող-ծակող գործիքով հասցված վնասվածքով:

Լեւոն Ժամակոչյանը ներկայում գտնվում է «Գյումրի» ԲԿ-ի վնասվածքաբանական բաժանմունքում: Օրթոպեդ-վնասվածքաբանը վերջինիս առողջական վիճակը գնահատում է միջին ծանրության: Լեւոն Ժամակոչյանի կյանքին վտանգ չի սպառնում:

«Գյումրի» ԲԿ  մամուլի ծառայություն