20.06.2016
Նյարդային հիվանդությունների առաջացման պատճառներ կարող են լինել սթրեսային վիճակները, լարվածությունը, ոչ նորմալ քնի եւ հանգստի ռեժիմը, ծխախոտի եւ ալկոհոլի չարաշահումը, օդակաթիլային ճանապարհով տարածվող վիրուսային հիվանդությունները (խոզուկ, ջրծաղիկ, կարմրուկ, հերպես եւ այլն), քիմիական նյութերից թունավորումները, գլխի շրջանի վնասվածքները, անոթային համակարգի խնդիրները, ներքին օրգանների հիվանդությունները, թերսնումը, վիտամինների պակասը, անկանոն սնվելը: Հիվանդության առաջացմանն առավելապես նպաստում է վիտամին B խմբի եւ E-ի բացակայությունը, քանի որ սրանք սնուցում են նյարդային բջիջները:
Եղանակային փոփոխությունները ազդում են մարդու տրամադրության եւ հոգեվիճակի վրա: Սակայն անոթային խնդիրներ ունեցողների մոտ առաջանում է զարկերակային ճնշման տատանում՝ անոթային սպազմ, որը իր հերթին բերում է նյարդային համակարգի որոշակի խանգարման:
Սննդակարգը պետք է լինի վիտամիններով, սպիտակուցներով, ածխաջրով հագեցած: Անհրաժեշտ է կանոնավոր սնվել, կարգավորել քնի եւ հանգստի ռեժիմը: Զբաղվել սպորտով, երեկոյան ժամերին զբոսնել: Խրոնիկական հիվանդներին խորհուրդ է տրվում պարբերաբար օգտագործել իրենց դեղորայքը՝ առանց ընդհատման:
Սիրանուշ Հարությունյան
«Գյումրի» բժշկական կենտրոնի նյարդաբան
