02.12.2015
Համեմատել են հիպերտոնիայով հիվանդների մոտ երիկամներում արյան հոսքը նորմալ զարկերակային ճնշում ունեցողների հետ:
Հաստատվել է, որ առաջին դեպքում արյունամատակարարումը տուժված է: Հայտնաբերվել է հակադարձ կապ զարկերակային ճնշման մակարդակի եւ երիկամում արյունամատակարարման միջև: Հնարավոր է, որ մեծ դեր ունի նաեւ տարիքը: Կատարվել են հետազոտություններ, որոշել սրտի րոպեական ծավալի ռեալ ֆրակցիան: Հիպերտոնիայի ժամանակ պակասում է ռեալ ֆրակցիան, որը սնում է հիմնականում երիկամը: Չնայած արյան հոսքի նվազմանը, երիկամներում գլոմերուլյար ֆրակցիայի արտադրությունը սովորոբար նորմալ է՝ ֆիլտրացիան ունի ավելացման հավանականություն: Գլոմերուլյար ֆրակցիայի արտադրությունը պահում է միջինը 70 մլ/ր-ում այնքան, քանի դեռ ռեալ ֆրակցիան չի պակասել 300 մլ-ից: Ավելի ցածր հոսքի դեպքում ֆիլտրիացիայի արագությունը նվազում է :
Երիկամային հիպոպերֆուզիան եւ հիպերֆիլտրացիան հիպերտոնիայի զարգացման վաղ նշանն է:
Բուժումը նպատակ ունի առաջացնելու անոթային լուսանցքի դիլատացիա, որը իդեալական պայմաններում կարող է լինել սիստեմային եւ երիկամային անոթային դիմադրողականության իջեցման կամ պակասեցման դեպքում: Բուժման մեջ առաջին տեղը գրավում է ԱՎՖ ինհիբիտորները, որոնք իջեցնում են էֆֆերենտ արտերիոլների դիմադրողականությունը, ներկծիկային հիդրավլիկ ճնշումը, բարձրացնում են երիկամներում արդյունավետ արյունամատակարարումը:
Անահիտ Հովսեփյան
«Գյումրի» բժշկական կենտրոնի հեմոդիալիզի բաժանմունքի վարիչ
