16.11.2015
Թոքաբորբը թոքերի սուր ինֆեկցիոն հիվանդություն է, որն ընդգրկում է թոքային հյուսվածքները: Այս հիվանդությունն իր տարածվածությամբ չորրորդն է՝ սիրտ-անոթային հիվանդություններից, չարորակ նոյագոյացություններից եւ տրավմաներից հետո: Չնայած այն հանգամանքին, որ արտադրվում են բազմաթիվ հակաբիոտիկներ, սակայն, դրան զուգահեռ, շարունակում է բարձր մնալ թոքաբորբով մահացությունների ցուցանիշը:
Հիվանդության առաջացման հիմնական պատճառներն են.
- սուր ռեսպիրատոր ինֆեկցիաները,
- բակտերիաները,
- վիրուսները,
- այլ հարուցիչներ,
- սնկերը:
Հիվանդության զարգացմանը նպաստող հանգամանքներն են.
- ծխախոտի եւ ալկոհոլի օգտագործումը,
- վտանգավոր նյութերի ազդեցությունը վերին շնչուղիների վրա,
- վերին շնչուղիների բորբոքային հիվանդությունները,
- իմունադեֆիցիտային վիճակները,
- վիրահատությունները,
- երկարատեւ անկողնային ռեժիմը,
- ծերունական տարիքը:
Հիմնական ախտանիշներն են.
- ընդհանուր թուլություն,
- ջերմության բարձրացում,
- դող,
- ախորժակի վատթարացում,
- գլխացավ,
- հազ,
- խորխարտադրություն,
- կրծքավանդակի ցավ:
Հիվանդության ախտորոշումը հիմնվում է անամեզի, գանգատների, ֆիզիկալ տվյալների, ռենտգեն եւ լաբորատոր հետազոտությունների հիման վրա:
Խստիվ արգելվում է հակաբիոտիկների օգտագործումն՝առանց բժշկի նշանակման: Արդյունավետ բուժման համար պարտադիր է անկողնային օրակարգը, համապատասխան սննդակարգը եւ դեղորայքային բուժումը:
Ժաննա Հովսեփյան
«Գյումրի» բժշկական կենտրոնի գլխավոր թոքաբան
