Պացիենտների համար / Հիվանդություններ / Թրոմբ

Ի՞նչ է թրոմբը. դա արյան մակարդուկ է, որը ձեւավորվում է արյան մակարդելիության համակարգի ակտիվացմամբ` ֆիբրինային թելիկների առաջացմամբ, թրոմբոցիտների եւ էրիթոցիտների ներգրավմամբ:

Ինչի՞ց է առաջանում. թրոմբն առաջանում է.

• արյան մակարդելիության բարձրացումից,
• արյան հոսքի դանդաղեցումից,
• անոթի պատի վնասումից:

Ինչպե՞ս է բուժվում. թրոմբը բուժվում է վիրահատական միջամտությամբ եւ դեղորայքով: Հիվանդին նշանակվում է հակամակարդիչ եւ թրոմբոլիտիկ դեղորայք:

Ի՞նչ բարդություններ կարող են զարգանալ չբուժվելու դեպքում.  թրոմբոզի պրոգրեսիա, թրոմբոէմբոլիա եւ տեղային արյան շրջանառության խանգարում: Թրոմբի կասկածի դեպքում պետք է շտապ դիմել մասնագետի, քանի որ հիվանդության բարդությունները կյանքին սպառնացող վտանգ են:

Սուրեն Թոսունյան

«Գյումրի» բժշկական կենտրոնի անոթային վիրաբուժության ծառայության ղեկավար