Պացիենտների համար / Ախտորոշում / Կոմպյուտերային տոմոգրաֆիա

Կոմպյուտերային տոմոգրաֆիա -մեթոդն առաջարկելեն Գոտֆրի Հաունսֆիլդը և Ալան Կորմակը 1972թ., որոնք այս մեթոդի մշակման համար արժանացել են Նոբելյան մրցանակի։

Մեթոդը հիմնված է տարբեր խտության հյուսվածքների կողմից ռենտգեն ճառագայթների թուլացման տարբերության հաշվման և բարդ կոմպյուտերային մշակման վրա։

Ռենտգենային կոմպյուտերային տոմոգրաֆիան մարդու ներքին օրգանների հետազոտման ռենտգենային ճառագայթման օգտագործմամբ տոմոգրաֆիկ մեթոդն է։

Կոմպյուտերային տոմոգրաֆիայի ցուցումները

Կոմպյուտերային տոմոգրաֆիան լայնորեն օգտագործվում է բժշկության մեջ տարբեր նպատակներով.

1. Որպես սկրինինգային թեստ։ Սկրինինգ (screening) ` զննում, ընտրություն, բժշկության մեջ օգտագործում են ռիսկի խմբերում պոտենցյալ լուրջ ախտորոշման ժխտման համար։ Կոմպյուտերային տոմոգրաֆիան հաճախ, որպես սկրինինգ օգտագործում են հետևյալ վիճակներում.

• Գլխացավ

• Գիտակցության խանգարմամբ չուղեկցվող գլխի տրավմա

• Ուշաթափություն

• Թոքի քաղցկեղի ժխտում։

2. Անհապաղ ցուցումներով ախտորոշման համար` անհապաղ կոմպյուտերային տոմոգրաֆիա

• Ծանր տրավմաներ

• Ուղեղի արյունազեղման կասկած

• Անոթի վնասման կասկած, օրինակ` աորտային շերտավորվող անևրիզման

• Խոռոչավոր և պարենխիմատոզ օրգանների սուր վնասումների կասկած`ինչպես հիմնական հիվանդության, այնպես էլ տարվող բուժման արդյունքում առաջացած բարդությունները։

3. Պլանային ախտորոշման համար կոմպյուտերային տոմոգրաֆիա

ԿՏ հետազոտությունների մեծ մասը արվում է պլանային կարգով, բժշկի ուղեգրով, ախտորոշման վերջնական հաստատման համար։ Որպես կանոն, ԿՏ հետազոտությունից առաջ կատարվում են ավելի հասարակ հետազոտություններ` ռենտգեն, ՈՒՁՀ, անալիզներ և այլն։

4. Բուժման արդյունքների հսկողության համար։

5. Բուժական և ախտորոշիչ միջոցառումների անցկացման համար, օրինակ` պունկցիան կոմպյուտերային տոմոգրաֆիայի հսկողության տակ։

Որոշ բացարձակ և հարաբերական հակացուցումները

Առանց կոնտրաստի

• Հղիությունը

• Գործիքի համար ավելի մաքսիմալ մարմնի քաշը

Կոնտրաստով

• Կոնտրաստ նյութի նկատմամբ ալլերգիան

• Երիկամային անբավարարությունը

• Ծանր շաքարային դիաբեթը

• Հղիությունը

• Հիվանդի ծանր ընդհանուր վիճակը

• Գործիքի համար ավելի մաքսիմալ մարմնի քաշը

• Վահանագեղձի հիվանդությունները

• Միելոմային հիվանդությունը